.jpg)
يارب محتاجلك..محتاج افضفض لك..نرك ملى عينى..قمرك مواسينى..لكن هقولك ايه الحلم مالينى..ساعدنى اوصل له وارضى بتقسيمتك..يارب متسيبنيش..انا من غيرك مفيش..قوينى عالفكرة لتاخدنى متجيبنيش..يارب متسيبنيش انا من غيرك مفيش..قوينى يا ربى..ساعدنى يا ربى..
دى اغنية اسمها يارب بتاعة هشام عباس....بحب صوته...وبحب الاغنية
اقعدوا بالعافية
...............انجى ابراهيم...............
هناك 21 تعليقًا:
الله يعافيكي يا أنجي
بس هي شكلها مزنقة معاكي قوي كده ولا أيه
أفتكرى دايماُ
فلما ضاقت وأستحكمت حلقاتها
فرجت ... وكنت أظنها لا تفرج
تحياتي
أول تعليق :)
أول مرة :)
أنا بحب الدعهاء ده قوي قوي
لان معناه حلو قوي و صوت هشام جميل جدا
ابيطمنيني عليكي يادكتور
ماشي ؟؟
ربنا معاكى
و يهديكى للخير
تحياتى
ماتزعليش منى
بس ماينفعش اجيب صورة بنت لابسة سواريه
وانا بتكلم عن ربنا
كلمات حلوة ربنا يهدينا جميعا
جزاك الله خhttp://orphanliberty.blogspot.com/يرااتمنى الزيارة
جميل فعلا يا انجى
ربنا يوفقك يادوك
كل سنة وانتى طيبة
انا كل ما اجى الاقينى مش عايزه اكتب
اقفل واطفى الجهاز واروح اتفرج على اى قناه ع الدش
الاقينى مش عايزه اتفرج
اقفل واروح ادور على اى كتاب اقراه
بردو ماليش مزاج
واقول وبعدين
هاتى م الاخر على راى انجى
ومش فى اى فايده
كل حاجه مصره تعاندنى وتطلعلى لسانها
الناس بقت شبه بعض
نفس الوجوه بملامه مختلفه
شخصيات متطابقهواسامى مختلفه
انا مين
مبقتش عارفه انا مين
انازى مانا
ولا زى باقى البنى آدمين؟
البرىء مبقاش برىء وللاسف لما ظلم
بيصقفولو
ويقولوا
من النهارده
بقيت خلاص مش متهم
لو حلمت..مالكش ف احلامك نصيب
ولا ف مذاكره ولا سفر
ولا ورقه ولاقلم
ولا حبيب
ماشيه الحياه بخطى غريبه مسرعه
والنبى على ايه متسربعه؟
خالف تعيش
قالتها امى ف يوم زمان
دلوقتى بتقولى عيش جبان
تموت شبعان
الدنيا اكتر شىء عجيب
فيها القريب اصبح غريب
واى حد يروح،يغيب
ميهمهاش
مات ولا عاش
اضحك واقول
كل شىء قسمه ونصيب
يوم تبكينا الحياه
ويوم تانى تزيد بكانا
فنزداد نحيب
ولو ضحكنا من قلوبنا
عارفه انتى هيحصل ايه؟
هيقولولك يا حبيبتى متضحكيش
وعارفه ليه؟
عشان ف اعراف بلدنا
الضحك عيب
هتروق وهتحلى وهتبقى زي الفل إن شاء الله
كل سنة و انتي طيبة يا انجي ربنا معاكي
صديقتى انجى
رمضان مبارك
امين يا رب العالميين انه يكون دايما جنبك وجنبنا كلنا
يا رب يتقبل منك دعوتك ويكون عونك فى تفكيرك
تحياتى
انا بحبها جداااااا وبحسها جداااااا ..
جميلة الاغنية دى وتقريبا الشريط ده على ما اعتقد كله اغانى دينية انا كان عندى مجموعة اغانى منه وكلنا محتاجين ربنا فى كل وقت وفى اى مكان
انا ما اعرفش الاغنية، بس عجباني اوي الصورة، آه... فكرتني بالمثل اللي بيقول "بخت العدالي مااااايل(جمع عدلة يعني) يعني البنت حلوة و شكلها بنت ناس كدة و شوفي المرمطة اللي هي فيها... حاجة غريبة و الله
قويني ع الفكرة
لا تاخدني ما تجيبنيش
يا إنجي ربنا معاكي.. وعلى رأي الشمسي: هاتروق وهاتحلى.. ولو إن أحمد المفروض يقول هاتسلك بصفته طبيب مسالك
:)
إيزولد
(لا مؤاخذة يعني يا إنحي يا أختي)
إزاي ما تعرفيش الأغنية دي؟ حاجة غريبة والله
ايه الإهمال اللي انتي فيه اليومين دول يا إنجي؟
لا بتردي على التعليقات ولا بتعلقي ع البوستات الجديدة عندي! إهمال إهمال يعني.
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
انا غبية قوى
.............
ربنا يكرمك يا رب يا انجى
و يفتح عليكى
و يهديكي
و ينعم عليكى بالرضا
ربنا يجعل بينك و بينع عمار
..............
معلش كنت محتاجة اضحك من الالم و اشتم نفسى .. جت فيكى آسفة
سلام عليكِ
اسلام الدسوقى:ايون كدة ادعيلى بالله عليك يمكن الدعوة ترشق......
عادل:ماشى يا دولة........
مهيج الجماهير:وتحياتى انا كمان.......
غير معرف:هما اللى بيلبسوا سواريه مبيتكلموش ابدا عن ربنا؟؟ عموما انا قاصداها جدا..........
محمد:وانت طيب يا باشا.........
واحدة من الناس:والله ما عارفة يا نورا ولا فاهمة اى حاجة..........
احمد الشمسى:يارب يا احمد يا شمسى طب ادعيلى كدة من قلبك يمكن تفرج......
مواطن مصرى:وانت طيب........
حسام:صديقى الرائع حسام يارب يتقبل منك دعواتك الحلوة دى.........
شيما:وانا كمان.......
احلام حقيقية:اكيد محتاجينه........
ايزولد:حبيبتى ازيك؟؟ البرد عامل ايه؟؟ يارب تكونى بخير...بخت العدالى مايل اه الحمد لله...........
عمرو:هى دى..خايفة تاخدنى متجيبنيش..ربنا يستر..يارب تروق وتحلى يارب يارب..ادعيلى يا عمرو..بالنسبة للاغنية فبلاش انت يا عمرو والنبى انت من اسبوعين كان بالنسبة لك محمد حماقى بيغنى اغنية تامر وحاجة اخر هنا يعنى مجتش على ايزولد..ايون دة تحيز نسائى...........
احمد الشمسى:دكتور اوعى تقول كدة بس هو اهمال فعلا..وصفاقة وتبجح وقلة ذوق كمان..بس والله دة الحظر اللى مفروض حوالين الكمبيوتر بس..استنانى عندك زمانى جاية...........
نعكشة:انتى شبهى بطريقة تهبل...عارفة انك مبتحبيش تسمعى دة بس الحركة ميعملهاش غيرى...........
لا طبعا اللى بيلبسوا سواريه ممكن يكونوا احسن من حد متدين تدين شكلى
لكن انا اقصد
انى لورحت الاوبرا مش هالبس جينز
ماينفعش
وعلشان ربنا يستجيب دعائى لازم اكون على طاعة
واكيد السواريه مش طاعة
وبعدين انا كلامى مش عنك
انا بتكلم عن اختيارك للصورة اللى انت حرة فيه
بس الدين النصيحة
غير معرف:هو كل الناس وهى بتدعى بتكون على طاعة؟؟؟
عموما البنى ادم عشان ضعيف جدا بيعمل كل البلاوى وبيفضل يدعى برضو وفعلا انا قاصدة ان الصورة تكون لايقة على المعنى دة...
إرسال تعليق